| 今日搭車果陣都見到一個幾得意o既景象。
話說 , 我見到兩個師奶坐埋一齊, 響某一個站, 有個大肚婆上左車。 正常黎講係會有讓坐o既 , 都有個幾純品o既女仔主動讓座架。
不過由於大肚婆好似搭幾個站要落車 , 所以就話唔駛。
去到呢個point 我覺得成件事都無咩問題查實 , 不過岩岩提過o既兩位師奶就多多嘴舌啦。 內容疑似係想講讓座女仔懶醒 , 講講下又含沙射影人地係港女, 咩住個名牌袋點點點。
( PS. 我望左一眼果個名牌袋 : 係用" Porter " o既) 又去到呢個位, 我就覺得讓座o既女仔 查實好慘, 人地讓個座姐 , 可能對方未係領情。
人地用個靚少少o既袋 , 就一定係祟尚名牌? 可能係人地儲好耐錢買o既呢。
跟本就無一個有力o既位俾果兩位女士去指控呢?
我雖然都好唔gur 呢兩位女士o既行為 , 不過咁鵪鶉o既我當然無去幫個女仔抱不平,
最多都係響度 寫幾隻字 bad mouth 一下果d 我覺得無理o既人。
說話 , 其實就係一門藝術。
識得用o既 係一種幽默 , 唔識用o既 係利器囉。
有時講野 係需要經過一下頭頂o既細胞先o既。
不過其實我都未能夠証實兩名女士係師奶 , 所以更正番佢地o既身份先。
查實我都唔知我咁寫會唔會中傷左兩名女士, 不過我都係主觀地講講姐。 ****** 回家途中, 承上題, 諗緊陶冶性情一事。
就諗起油畫。 今個禮拜要買畫具同顏色。
再唔畫畫 , 我諗我會心中鬱鬱不得志。 細看以前之作, 老師讚過呢幅好。嘿 ! 好一幅傑作。
我諗好o既原因係.....佢見我專心掛。 很懷念。 
|
